Eleaml - Nuovi Eleatici



La rivoluzione napoletana del 1820-1821 tra "nazione napoletana" e "global liberalism" di Zenone di Elea

CHIACCHIAREATA SECONNA

NFRA LO CUORPO DE NAPOLE E LO SEBETO

L'Autore G. F. protesta non avere egli pubblicato la prima chiacchiareata. Ma vedendo, il che modesto e saggio Autore della medesima non ha continuato, si è egli giovato di sua felice invenzione, e glie ne pretesta tutta la riconoscenza.

NAPOLI 182o.

DELLA STAMPERIA DELLA BIBLIOTECA ANALITICA

strada Banchi nuovi N. 1.

(se vuoi, scarica il testo in formato ODT o PDF)

====================================================================================================

L'autore mette sotto la salvaguardia della legge sulla ristampa, la presente operetta, che essendo ben accolta, sarà settimanalmente continuata.

====================================================================================================

A di 16. Agosto 182o

C. de N. Bonnì, Compà Sebè: Eccome ccà de retuorno tunno, frisco, e allerio cchiù de chello nche me partette da Napole.

Seb. Bemmenuto Comparone mio. E comme? me dice, ca te ne vaie pe tre o quatto juorne, e pò te sì stato fora cchiù no mese? Addò te sì nfrociuto tutto stò tiempo?

C. de N. E chi te lo bbò contà? Aggio gerato, la Lecca, e la Mecca comme se dice. Aggio mesurato a parmo a parmo tutte le Provencie de lo Regno; e mme sò addecriato trovanno pe tutto ma coietutene, no ntosiasmo, n'aunione ch'è no Paraviso. Pe le Strade, a le Chiazze, e la Campagna, int'a le Taverne, mmiez'a le Dhiesie auto non siente ca benneziune Costetozione...

Seb. Addonca npprovencia non nce sò partite, non nce sò mbruoglie.

C de N. Tu quà mbruoglie, e quà partite vaie contanno? là nna partita schitto se joca da tutte, e non se canoscono puta carte ca chelle de la Costetuzione. I Giuvane, i viecchi, i quagliune, i miletari, i Preute, le mmogliere, le mmamme, le vavone, le zetelle, e nfi le mmonache tutte se chiammano Co no nomme Costetuzione; e io mporzì nfocato coli Cravune me so fatto Costetuzionale pe ttutte le pparte nzemmora co li quagliune meie.

Seb. Nc'aggio sfizio, ca io puro faciette la fonzione meia, joranno co tutto lo core de conservà sta bella Costetuzione, ca li Palermetane nn hanno conosciuta.

C. de N. Nproposito de Palermetane, si bedisse quà fermiento nne è nCalabria contro chisse lloco: volarriano la magnaresele a muorze pe l'arraggia.

Seb. E hanno raggione, e nce lo borria. Comme! sti mmalora de Palermetane se so state quatte, e curve sotto l'anormete de li pise, no se sò aizate a la leva, e mò ch'aveano avuto no benneficio accossì granne, nnaspettato, se sò scacatate, e hanno aizate le bele a no mare lo chiù tempestuso?

C. de N. Eh compare mio, da la capa vene la zella! A guvernà nce vonno l'uommenn’addotte, e pudente, mpartecolare ntiempo de noveta. Dimme pro vita toia, te pare jodicio a no mpedì l'armamiento de lu puopolo, e l'azzuffarese co la Truppa? Comme tiene cchiù la furia de nu puopul'armato! T’allectorde lu novantanove a Napole?

Seb. E ne è besuogno de st'assempio lloco? Dapettutto, e sempe lu puopulo è stato de nu muodo: Abbesognante de saperelo manià, e lo truve comme lo faie o fetente, o adderuso. Se sape, ca l'ommo nfuriato è la bestia cchiù feroce de lo munno: Dalle la forza mmano mmiez' a la furia, e bi che trona te mena Marzo; Va tiene cchiù lu carro a la scesa! Ora sperammo a lu Cielo ca tutto fenesca priesto: o co le bone, o co le cattive li Palermetane s'hanno d'agguattà, pocca nn’ann'avuto soccurso nì dint’a la Secilia, nì da fora.

C. de N. E chi se bolea mettere a defenne ma caosa sballata? Oie le Ppotenzie hanno canosciuto, ca s hanno da guarde, e respetta tutte nfra de lloro, e pe se mantenere stabele, e rapace, nn anno si fomenta, mi sostenere chille, ca se rebellano contro li Rrì, e le Naziune.

Seb. Addonca non sarà bero, ca l'Austria menaccia de venì a Napole a spaccà e pesà, e a guastarece lo sidece?

C. de N. No lo pozzo credere compare caro. Otra ca sarrìa cosa fora d jostezia, e contra lui commenio de lu Congress’a Bienna, de pretennere de de legge a na Nazione, a la quale essa no nc'ave che spartere nu ttecchete, otra cà no lo farria pe lu reguardo, e paura po du Rrè nuosto e pe la famiglia Riale, ca tra ch'avarrà da pensà a li ncremiente soie nn Italia, e a li regne proprie senza mbrattarese co li scremiente nuoste, ie po te dico, c'a la primma notizia, a nu nzemprece sischo vedarrisse correre a Napole ciento, duciento, treciento milia Cetadine de le Provencie tutte armate, e allummate da lu fuoco sacro de la Patria.

Seb. Nè? songo veramente tutte accossì resolute e decise?

C. de N. Cosa ncredibile compà! Se so schiaffate dint’a la chierecoccola ca mo è lo tiempo de recupetà l'annore de 'la Nazione nosta abbeluta da tanta sieculo, e de rennovà le prodizze fatte ntiempo de l'Angioine, e l'Arragonise. Sò arrevate a dicere, e jorà, ca le montagne de Monteforte, de le Calabrie, de l'Abruzzo, de lu monte Santagnelo rennovaranno la marmorea de le groliose montagne Elveteche, e ncaso d'aggrisso se faceranno nommenà chille stesse montanare guappe, che s'allecordano ancora jastemmanno la Germania, e la Franza, quanno volenno l'atterra, ne pagaieno le ppera cotte.

Seb. Tu me daie no sfizio ncredibele stammatina, e mne nne faie i nn'estrece pe la bella Patria nosta.

C. de N. E cchiù te ne darraggio craje, comme tu me nn aie da dà a mme contannome le ccose de lo bello Napole nuosto. Mo vago a da recietto a cierte frusce meie. A revederece.

Seb. Bonnì Compà. Craje viene priesto.

Del 17 Agosto 1820

Seb. Comme? Accossì tarde Compà?

C. de N. E' lu vero aggio trecato, ca mme sò trattenuto a cierte scene, ca no l'avarria volute mi bedè, né sentì. Mo nce vuo? Vengo da le Provencie, che songo le Figlie de la Capetanea, creo de trovà ccà la mamma de la coietutene, e nce trovo arrassosia tanta sconcierte, tanta pasticce e tanta vommacarie, ca farrian'arrevotà lu stomaco de nu struzzo; Auto che fierro, e ramma s'à da deggerè mmiez'a bujaute! Me la voglio sfelà n auta vota fora.

Seb. Ma che aie visto, c'aie ntiso ca tanto te fa specie, te sorprenne? E no lu ssaie, ca quanno se squaglia l'oro, lu cupiello volle volle nsì a che se porefeca? E no ù ntienne, c'a no gallenaro granne tanta pollastrielle addeventano galle, e pò a la rassegna o se spartono, o s'assommano nfra de lloro, o se fanno Capune?

C. de V. E' lu vero chesso lloco. Ma nfradetanto se vecono cierte ccose ca fanno proprio sbisciolià. Passanno nnant’a na Parrocchia aggio ntiso remmore, allucche, strille nzina fine. Sò trasuto, e aggio visto na folla ncredibele ca gredeva Chesso no.... chillo fora.... Chesso no nse po fa... Chello nò bà buono.. e bà scorrenno. Lu Parrocchiano mmar’isso steva quattu quattu comm'a l'aseno mmiez'a li suone. Lu Presedente, ca me l'hanno nsegnato, ogne ttanto ntemmava selenzio, ma predecava a lo desierto. E che te cride ca se faceva mmiez'a tanto streverio?

Seb. Mo te lo ddico io: s'aleggevane li Compromessarie, da le quale hanno pò d'ascì l'eletture, e da chisse lo Deputate che ann'a rappresentà la Nazione.

C. de N. E mbe? E chessa sciorta d'operazione, da la quale depenne la salute d'Arcadea, se fa de stà manera? Avarriss’a vedè co quà jodicio, co quanta venerazione se fanno ste ccose a le parte da fora. Oe Compà, aie a tenì pe cierto, ca a Napole pe Deputate venarranno da le Provencie lo sciore de l' uommene.

Seb. E no me fa meraveglia, e lo creo securo, pocca llà se canosceno a lu tasto, e se sapesi quaccuno teme lu mantiello rutto, e si nce ponn'appennere le ffose. Ma cca beneditto mio, mmiezo a tanta deverse specie d'umanetà, nfra tanta defferent’apiniune, che meraveglia de sentì l'allucche e le sbafate? Vide pò lo resurtato! L'ommo bono ca se sta zitto e reterato vene chiammato e remmane aletto, e li ntregante co tutte le mbruoglie, co tutte le partite e l'ammicizie vere e sente, co tutto lo joquà de chiatto e de ponta pe se nfrosonià, restane sempe da fora. Vide, vì nu poco l'aleziune ca se so fatte nfi a mmo: Tutte sò cadute mpersone le cchiù bbone, accredetate, e legitemate dall'apinione prubbeca. Chisse nn’addeventarranno cierto figlie bastarde de la Patria che l'ha date signe de stimma; e accossì sperammo, ca tutto fenesca co coiete, co alleria, co grolia de la nosta resoscetata Nazione.

C. di N. Accossì sia, e priesto; ca mo cca me pare ca non sulo la Jonta sia provesoria, ma è provesorio lu Guvierno, li ministre, le ssostanzie, e poco nce vò e sarrà provesoria mporzì la lebertà, e la vita de lo getadino. Cca tutte spaccano e pesano; cnuno vò Commannà e stampa legge; Tutte scrivono….

Seb. Ncopp a chesso pò no nc'è che fà. Nce stà l'articolo de la lebertà de la stampa, e gnuno se pò sfogà a dicere, e a scrivere lu sentemiento suio. Si quaccuno scrivarrà cose ncontrario, se potarrà recramà appriesso, e cercà la sfazione, che stabelerrà lu Parlamiento seconno la modefecazione de la legge.

C. de N. Comma, commà compà! Addonca s'io l'aggio mò co uno, me Pozzo sfoga a direle, e a scrivere tutto lo gnurie, tutte le betuperie che me pareno? E accossì me potarria sfoga puro a darele na spata ncuorpo, aspettanno capo lu Parlamiento lu faccia resoscetà? Ah compare bello mio, chesso nome pare case pozza fa, e la Costetuzione no mpò maie permettere le ssatere, e li lebelli famuse, caso state proibite sempe ntutti i luoghe, e ntutt’i tiempe. Chessa no me pare lebertà, ma lecenzia contra la caretà, e contra lu boncostume.

Seb. Uh compà, tu mo te vò tropp’addottora! E che pretienne, c'an prencipio de nu cagnamiento, a nu casalone Comm'a lu nuosto, no nc’avesse a succedere quacche picool'abuso, ch'a la fene se reduce a chiacchiare? Tu le borrisse tutte sante? E' lu vero, ca la lebertà de la stampa nee dà sulo la lebertà de dicere li pensiere nuoste ncopp' a ma decisione, ncoppa a no decreto, ntuorn'a nu punto de la Costetuzione, d'avverti. lu Guvierno de quacche sconcierto e de quacche sbista ca se pigliasse da le ministre e da li cape, comme facettero avvertenno lu ranciofellone pigliato da lui bravo patriottone lu generale ncapontuorn’a l'avanzamiento de la truppa (call'uommene cchiù so granne, e cchiù pigliano le sbiste maiateche); ma a sta primma furia ogneduno credennose l'Eroe lo leberatore de la Patria, s'ha creduto lezeto tutto, e accossì aie visto gerà delle ssatere a bezeffia. Vi ca non s'è sparagnato nisciuno: Nfi no zi Preute, a ma lettera ha ditto male de lo Prencepone nuosto, de li ministre, e la Ionta provesoria, e de tutto lu genere umano, credennose fuorse isso sulo lu buono. E lu bello po è, ca nn’atto che sostene fortemente la Costetuzione, e dice cose bone mmeretà ntuorno a la lebertà de la stampa, isso pò manca a li punte cchiù essenziale de la stessa Costetuzione; pocca chiamma spergiuro lu Prencepe, lu quale facenno da Rè è immiolabele, e non se pò supporre ca faccia lu mmale, che è sempe de li ministre. E d'auta parte isso stesso lu zì Preute è la vero spergiuro.

C. de N. Oh chess’è bella! e comme?

Seb. Isso comm'a Chiachiardote ha avuto da jorà l'asservanzia de la Costetuzione de Spagna?

C. de N. Pe necessetà.

Seb. Lu primmo punto senza contrastu de chessa Costetuzione è lu mantienemento de la sola nosta bella fatona la Relegione Cattoleca?

C. de N. Securamente.

Seb. E mbè, chisso misignore propone mpricetamente la lebertà de lo Culto, e addeventa nnitto nfatto spergiuro a la Costetuzione, e a la Relegione, c'avarria avuto da defennere co lo sango propio. Che te ne pare?

C. de N. E contro chiss’abuse, contr9 chisse delitte no nc'è remmedio?

Seb. Pe mò no core mio, ca tutto è provesorio..

C. de N. E aggio ditto buono io, ca potimmo ess'accise provisoriamente?

Seb. Nn avè a paura pe chesso. Vi ca co tutte ll'armature, co tutta la confusione de le llengue, gnuno stace tranquillo, e attenn'a le facenne soie. Si ne è quacche piccolo sconcierto nnevitabele ncierto case, nce remmediarrà lu Parlamiento. E quanno so fatte i legge seconno la Costetuzione, tutte e gniduno sarrà mpegnato de fare l'asservà, si vonno mantenè sto bell'adeficio che se sta aizanno.

C. de N. Ma nfradetanto non se potarrianno a lu mmanco mpedì tanta sciaparie, tanta scritte senza sale, senza coda, e senza la senso comune?

Seb. E lassammole fa sti Nufrie Galeote resuscetate, che aunite a quà stampatore affritto core, si abbuscano quaccosa, e scialacquano a la varva de chi s'accatta le scartoffie.

C. de N. Ma fora da li straniere che se diciarrà leggenno chesse ccose lloco?

Seb. E che ne ann'a dicere? Leggiarranno tanta cose accellente, e quaccosa de nsulso. Tutte avarriana a esse saccente e addotte e na Nazione? T'allecorde de chillo tale, ca domannato d'addò eva, respose -- Pe tutto nce sò li bbuone, e li cattive, so de Lucca pe sevrireve – Ma a nnuje nc'avarranno d'ammerà, e mettirese lengua nganna, truvanno co la vaIanza sempre scenne da la parte de lo mmeglio. Leggiarranno co maraveglia tanta giurnale addotte, e mparticolare l'addottisemo ntetolato la voce de lu Puopolo.

C. de N. A la bon ora; ma io nom perzò vao pensanno de me fa n'auto viaggetto a le Provencia, Portarraggio le  notizie che tu me daie, e farraggio utele e piacere a tutte. Aie a sapè, ca li ll'aggio persuase de chello che tu me dicisse, ca pe n' auto poco de tiempo coma o mene de pavà li stisse pise pe consoleda la fraveca de la Costetuzione, e supprì a le e spese de le tante officine de la truppa e o aute straordinarie. Decchiù ll'aggio assecurate, ca pò se potarranno resecà assaie le mpusiziuni, mente trasarranno a la Nazione tutti li beni de la casa Riale, li i beni reservati, chille rentegrate, la bonnaficiata, le nteresse de li deposete, tutte le penziune ntestate a la cassa de la Mortezazione da tant' anne, ca non so o poche, e aute cose, e da l' auta pari te se resecarrà ncopp a li sulde de le li mpiegate, ncopp'a le penziune, ca scadei no, e a chelle che se cupellano e tant'aute i ccose. Accossì quanno se sarrà stabelito a llu Rè nuosto, e a la fameglia Riale n'assegamiento sfarzuso pe mantenere lu lustro è de la degnetà loro e de la Nazione, puro nce sarrà panno assaie da taglià pe lu sollievo generale. E già nu Cetadino, o stà travaglianno pe fa levà la fonniaria, co sostituirese no piso doce e ghiusto ca piaciarrà a tutte. Orsù, avimmo pegliato ma longa papera, e io aggio muto che fa. Statte buono compà Sebè.

Seb. A revederece compà. Vi ca si te ne vaie fora n'auta vota, no avimm'a fà primma n'auta bona chiacchiareata, dal Mengo assaie cose ncurpo da sbafà.











Nicola Zitara mi chiese diverse volte di cercare un testo di Samir Amin in cui is parlava di lui - l'ho sempre cercato ma non non sono mai riuscito a trovarlo in rete. Poi un giorno, per caso, mi imbattei in questo documento della https://www.persee.fr/ e mi resi conto che era sicuramente quello che mi era stato chiesto. Peccato, Nicola ne sarebbe stato molto felice. Lo passai ad alcuni amici, ora metto il link permanente sulle pagine del sito eleaml.org - Buona lettura!

Le développement inégal et la question nationale (Samir Amin)










vai su





Ai sensi della legge n.62 del 7 marzo 2001 il presente sito non costituisce testata giornalistica.
Eleaml viene aggiornato secondo la disponibilità  del materiale e del [email protected].