Eleaml


Tratto da:
https://digilander.libero.it/galatrorc/galatro_home.htm

Galatro ed i suoi Poeti
Risorgimento: la rissa viene da lontano

LA PROTESTA DELL'ABATE MARTINO

di Michele Scozzarra

Quest'ultimo scorcio d'estate ha visto tornare alla ribalta, scatenando anche polemiche su presunti ritorni di sanfedismo, il Risorgimento: botte a Cavour, a Mazzini, a Garibaldi...

Ma tutto è cominciato il 18 febbraio 1861, quando nel primo Parlamento italiano, Vittorio Emanuele II veniva proclamato re d'Italia: cosa significò per i meridionali l'unità d'Italia? L'Italia non poteva certo definirsi uno stato 'nuovo', in quanto era divenuta l'estensione politica ed amministrativa del Piemonte, che estese le sue leggi a tutta l'Italia 'occupata'.

Da qui un grosso malcontento: i meridionali non capiscono, e non vogliono capire, le nuove imposte, il servizio militare che sotto i Borboni non dovevano fare; i meridionali non capiscono l'Italia, che per loro è incarnata solo nell'esattore delle tasse.

E da qui la protesta. Ed io, voglio far conoscere ai lettori di Proposte, la protesta di Antonio Martino, un prete meridionale, un prete liberale deluso.

Antonio Martino (1818-1884) è nato a Galatro (RC) e della sua vita si sa poco, quasi niente. Fu sacerdote e liberale, perseguitato perché assertore di libertà, più volte imprigionato e amnistiato dai Borboni.

L'Abate Martino esercitò la sua funzione sacerdotale senza venir meno al suo impegno politico. A Galatro, presso la casa paterna, aveva un camino girevole, dove era solito nascondersi durante le frequenti irruzioni della polizia borbonica.

Ma nel 1866, dopo aver gioito per gli eventi che hanno portato all'unità d'Italia sdegnato per i pesanti tributi imposti dai Piemontesi, scrive il 'Paternoster dei liberali calabresi', dove evidenzia come i mali della Calabria si perpetuano ancora con il Regno d'Italia, infatti, amaramente, afferma “ca di la furca passammu a lu palu…”.

Così si dispera il Martino: troppo si era illuso, troppa fiducia aveva dato, ora si sente tradito e, nella “Preghiera del calabrese al Padreterno contro i Piemontesi” del 1874, dice:

 “Lu pani cu li lagrimi ammogghiamu
e tra sigghiuzzu e chiantu l'agghiuttimu...
e di li fundi nostri cilonari
nui diventammu ed idhi proprietari”

L'opera del Martino è molto vasta, interpreta una diffusa opinione popolare secondo la quale i Piemontesi erano la causa dei mali presenti in Calabria. Il Martino raccoglie i motivi della grande delusione, gli inganni della classe dirigente: la sua passione politica è un grido di rabbia unita a sarcasmo. Nei suoi versi c'è la protesta secolare della Calabria umiliata e tradita.

Questa presentazione è sufficiente per introdurre due tra le poesie più conosciute del Martino: Il Paternoster dei liberali calabresi e La preghiera del calabrese al Padre eterno contro i piemontesi. Esse, da sole, riescono ad offrire la fisionomia culturale delle popolazioni calabresi ed esprimono una coscienza che, pur nei suoi limiti, sa esprimere proposte di autonomie locali e concrete aspirazioni di giustizia... e, certamente, non si perde nelle 'anacronistiche' polemiche sul Risorgimento esplose nei nostri giorni...
 
*************************

Il Paternoster dei liberali calabresi

sotto la pressione degli ingenti tributi

in Dicembre 1866

 

O patri nostru, ch'a Firenzi stati,
lodatu sempi sia lu nomi vostru,
però li mali nostri rimirati,
sentiti cu pietà lu dolu nostru,
ca si cu carità vui ndi sentiti
certu non fati cchiù ciò chi faciti.


Patri Vittoriu, re d'Italia tutta,
apriti ss'occhi, ss'aricchi annettati:
lu regnu vostru è tuttu suprasutta,
e vui, patri e patruni, l'ignorati.
Li sudditi su' tutti ammiseriti:
vui jiti a caccia, fumati e dormiti.


Ministri, senaturi e deputati
fannu camurra e sugnu ntisi uniti,
prefetti, cummessari e magistrati
sucandu a nui lu sangu su' arricchiti.
E vui patri Vittoriu non guardati:
vui jiti a caccia, dormiti e fumati.


Cummessi e cancelleri di preturi,
prùbbica sicurezza e abbocati
e speciarmenti li ricivituri
a tutti ndi spogghiaru e su' ngrassati.
E vui patri Vittoriu li viditi:


Sindaci, segretari e salariati
e cunsigghieri tutti e assessuri,
su latri cittadini patentati:
su idhi li judei, nui lu Signuri!
E vui patri Vittoriu li viditi,
e jiti a caccia fumati e dormiti.


A l'esatturi, poi, lupi affamati,
uh, lampu mu li mina e mu li cogghi,
li roli mu li strazza a mudhicati,
ca quantu furti, frodi, quantu mbrogghi!
E vui patri Vittoriu vi scialati,
e jiti a caccia, dormiti e fumati.


L'agenti di li tassi su' na piaga
cancarenusa supa a lu vidhicu,
sempi la pinna loru scrivi 'paga',
e di li murti loru nenti dicu...
E vui patri Vittoriu non spijati...
Dormìstivu? Mò jiti e caccijati!


E di li sù notara chi cuntamu?
La pinna loru è lanza di langinu,
uh, poravedhi nui si stipulamu:
notaru oji dinota 'latru finu',
tariffa loru è sulu lu capricciu.
Patri, pacenzia, ca mò vi la spicciu,


posati ssu ddubbotti e rifrettiti,
jettati chissu sicaru e sputati,
guardati chisti piaghi ca ciangiti,
e canusciti tutti li mpiegati.
Certu, si vui guardati, aviti a diri:
mannaja lu fumari e lu dormiri!


E vi accorgiti ca regnati in guerra,
odiatu di lu celu e di la terra.



PANEM NOSTRUM


Lu pani ndi strapparu di li mani,
lu pani nostru, o patri, e mò langumu,
simu trattati peju di li cani,
pagamu supra l'acqua chi mbivimu.
La curpa èni ca fummu liberali;
l'Italia fatta ndi portau sti mali!


Pacenza... Mò mparammu ca lu mundu
prima t'alletta e poi si mustra ngratu,
ch'è vasu duci ncima, amaru in fundu,
ch'è fàuzu e tradituri d'ogni latu...
E chistu spega lu tempu presenti,
peccùi di ricchi sciurtimmu pezzenti.


Pezzenti pe fundaria e manimorta,
pezzenti pe cunguagliu dupricatu,
pe prèstiti forzusi ed ogni sorta
di pisi, ch'ogni riccu hannu stancatu.
Et quia venturi sunt fabbricati,
lu daziu su li porci e su l'entrati.


Pezzenti, e si pretendi di pagari
lu daziu di cunsumu già appardatu,
li murti, supraimposti, ed autri affari
chi già Scialoja nostru ha progettatu.
Si parla di finestri, ciucci e cani,
daziu di furnu, di pili e di lani.


La mobili ricchezza sbrigonata,
e lu registru cu la murta e senza,
marchi di bullu, la carta bullata,
la posta chi ndi suca e non si penza,
tabaccu caru, carissimu sali:
patri Vittoriu, pe bui tanti mali!...


Finimu cu li pisi e li misuri,
lu decalitru, vilanza e stratia,
lu metru, pisi grossi e li minuri,
la revisioni ogni annu... uh, porcarla!
Patri, cuntempra tu chist'orazioni
et ne nos inducas in tentazioni:
ca di la furca passammu a lu palu,
sed libera nos a malo.


AMEN


Cchiù suffriri non potimu,
caru patti, riparati!
Ca si nui ndi annichilimu
di st'Italia chi ndi fati?


Fussi regnu di lu nenti
e vui re di li pezzenti,
e tornamu in giografia
zeru e nenti e così sia.

 
*************************

La preghiera del calabrese al Padre eterno

contro i piemontesi, nel 1874


Signuri, chi dormendu vigilati
e tutti li segreti canusciti,
chi senza testimoni giudicati
e premi e peni, tardu, cumpartiti,
chi siti vecchiaredhu e non tremati,
eternu sempr'in celu e non moriti,
ssi pili, ntra ss'aricchi, mu sciuppati
è tempu, e li preghieri mu sentiti:
lu vostru Cristu e tutti li cristiani
su' mpaticati di li porci e cani.


Fortissimu, di nudhu vi spagnati:
guappi, guappotti, bravi e mascansuni,
scherzandu, cu na mani, ammattulati,
comu tropianu ammàttula cuttuni.
Teniti senza paga, pe sordati
li gridhi, li ranocchi e muscugghiuni,
e chisti, appena n'occhiu nci ammaccati,
darrupanu nabucchi e farauni.
Eppuru ntra l'Italia siti nenti:
derisu vui, la Chiesa, i sagrarnenti.


Calaru di Piemunti allindicati,
na razza chi mangiava dhà pulenti
e di Netali e Pasca dui patati.
Iestimaturi orrendi e miscredenti
e facci tosti e latri cedulati,
superbi, disprezzanti, impertinenti,
sèdinu all'umbra e fannu tavulati
cu li suduri chi jettamu ardenti.
E di li fundi nostri cilonari
nui diventammu, ed idhi propetari.


Di cannavedhu vinnaro vestuti,
scarpi ammuffati, robba di becchini:
mò di castoru, e vannu petturuti,
cu stivaletti a moda li cchiù finì.
Calaru ccittu ccittu, ntimuruti
e virgognusi comu fanciullini:
nchi vittarti a nui, manzi ed arricchiuti,
apriru nasca e isaru li cudini,
e cui ndi chiamau « locchi» e cui «nimali»,
e ndi ncignaru a fari servizziali.


Guardaru in prima misa l'olivari,
l'agrumi, li vigneti e mandri e frutti,
e disseru fra loru: «Nc'è di fari!...
ccà nc’e di beni mu ngrassamu tutti».
E sùbitu si misaru a sciancari
a schiatta panza, ad alleggiari gutti,
poi dazi senza finì a mmunzedhari
pe comu s'ammunzedha ligna rutti,
e pe dicchiù «li schiavi cunquistati»
ndi chiamanu, li facci d’ammazzati.


Già li famigghi ricchi impezzentiru,
li pòvari su' sicchi pe la fami,
l'argentu e l'oru tutti lu periru,
e scumpariu di nui finna la rami.
L'impieghi fra di loru si spartiru,
ficiaru schiananzia di lu bestiami:
gadhini ed ova e pasta l'incarìru,
lu ranu, vinu, pisci e la fogghiami.
Non pensan’autru ch'a mangiati sulu:
mu fannu bonu chippu e grossu culu.


La santa castità la currumpiru,
su' all'ordini del gìornu li pansati;
li religioni tutti l'abboliru,
cummenti e monasteri profanati.
Li chiesi nostri quali li chiudiru,
quali su' stadhi, e quali su' triati,
l'enti morali tutti supprimiru,
li beni sagri tutti ncammerati;
la carità fraterna cundannata,
la povertà, si cerca, carcerata.


Li sacerdoti chiamanu imposturi,
li statui trunchi di arburi pittati,
a la Madonna fannu tant'ingiuri,
li santi pe’ briganti su' trattati.
Non Vonnu festi, nè predicaturi,
vigìli e santi jorna disprezzati,
spijuni dinnu ch'è lu confessuri,
li setti sagramenti, poi, nchiastrati.
Ah, sì, d'italia e sua consorteria
parlava lu profeta Geremia.


Signuri, vui nci siti, e nui cridimu,
e sutta stu fragellu vi adoramu,
peccati cu li sarmi, sì, nd'avimu,
ma sempri a vui fidili e stritti stamu.
Diciassett'anni sugnu chi ciangimu,
lu pani cu li gràlimi ammogghiamu
e tra sigghiuzzu e chiantu l'agghiuttimu:
cercamu a vui succursu e peju jamu.
Suffritimi, Signuri, nu mumentu,
mu sfocu di stu cori lu turmentu.


Sapiti ca vi simu crijaturi,
perciò vi parlu franco, in cunfidenza:
simu arrustuti, e a menzu a li doluri
perdimmu lu curduni e la pacenza.
Non promettiti vui, ntra li Scritturi
ca siti occbiu amurusu e providenza
pe cui vi servi, e di li peccaturi
ca fati mu si perdi la simenza?...
Vi chiamu a la palora, non mancati,
ca siti via diritta e veritati.


Lu fùrmini, lu tronu, ntra su pugnu,
su' l'armi vostri di l'eternitati;
lu caddu di giugnettu, agustu e giugnu,
la nivi di dicembri dominati;
tempesti, e lu levanti cu lu ncugnu
non siti vui chi spissu li mandati?...
Cannuna e hajonetti chi mai sugnu,
rimpettu a sa tremenda majestati?
Ebbeni, mu struggiti chi nci voli
si figghì di puttana, si marioli?


Giustizia voli pemmu li puniti,
l'onuri vostru mu li scuncassati,
e si riguardu a vui li cumpatiti,
l'ingiuri a la Madonna vindicati,
la vostra santa Chiesa risurgiti,
lu sagru cultu vostru rianimati.
Nui tutti ntra nu zàccanu cogghiti
e vui, durci pasturi, ndi guidati.
E allura riverenti vi cantamu
lu 'tantumergu' e lu 'tedèu lodamu',
e rispundendu « ammèn» li cristiani
lu segristanu sona li campani.

_______________________________________________________________________________

* Da Proposte, Anno 4° n. 10, ottobre 1990

 


 

Torna su

 

Ai sensi della legge n.62 del 7 marzo 2001 il presente sito non costituisce testata giornalistica.
Eleaml viene aggiornato secondo la disponibilità del materiale e del web@master.